السبت، 15 مارس 2008
احنا شعب يموت فى المصايب
اتنين الا تلت
يعنى امبارح استنوا ابص فى الجرنال اشوف التاريخ كام
اه
15مارس
كنت راجع من الدرس فى تمام الساعه الثامنه وتلت
كانت حصه كبيره اوى
امتحنا فيها واخدنا الدرس الجديد وتاريخ بقى وملل
وسعد زغلول جه وسعد مجاش
وجبت 48من50 شطور انا من صغرى
المهم مش عايزيين ننحرف عن المووضوع الاصلى تانى عشان انا اصلا مش بحب الرغى
المهم ماشى فى الشارع لقيت لمه مش كبيره يعنى حوالى عشرين تلاتين واحد قدام ميكروباص بيروحوا شنباب
واحد ماسك ست وهيا ماسكه فيه اكيد يعنى لزام اقف اشوف ايه اللى هيحصل
شويه شويه الناس كترت
وهووب لقينا واحد راح ضارب الراجل بالعصايه
سالت واحد جنبى هوا فيه ايه
قالى مش عارف والله
سالت احد تانى هوا فيه ايه نفس الرد
تالت رابع خامس نفس الرد
يعنى افهم من كدا ان الناس دى كلها واقفه ومش فاهمه فيه بتتفرج وخلاص
طيب على الاقل نعرف الحكايه
عشان نستمتع واحنا بنتفرج
ولا احنا بنتفرج وخلاص
شويه ولقينا الناس بتجرى ورا واحد كدا
وهوب الناس اللى واقفه كلها راحت وراهم
مش بتجرى عشان تمسكه عشان مش يفوتهم حاجه
هههههههههههههههههههه
يجوا من هنا ويرحوا هنا والناس وراهم ومحدش عارف اى حاجه
لحد ما البوكس جه واكيد يعنى البوليس فى الافلام وف الواقع بيجى بعد ما كل حاجه تخلص
واخدهم ومشى
واتباع قالك شنباب شمباب شنباب شمباب
المهم يعنى عشان مش نطول عليكم
اننا شعب بنموت فى الخنقات والمصايب
واى حاجه وحشه
نتلم حواليها
شوف اى حادثه بتحصل كدا
هتلاقى ميات واقفه عشان تعرف الحادثه حصلت ازاى واول ما يعرف حصلت ازاى يقولك
تؤتؤتؤتؤ يا حرام طيب هوا ايه بس اللى خلاه يكسر يمين
ولا شوف اتنين بيتكلموا على خناقه بعد ما خلصت
بس الواد اللى كان بيضرب دا صعب عليا والله شكله كدا غلبان وطيب وابن حلال بس غلطت برده لما شتمه
بس اسكت اداله بوكس ياض جابه ارضى
مش عارف ليه
طيب ليه لو خناقه حد يدخل يسلك وتخلص والكل يروحا
تلاقى الكل واقف ومحدش بيسلك غير اتنين تلاته وبيشيلو ضرل للصبح
والباقى واقف بيتابع بس
يلا نعمل ايه بقى اتعودنا على كدا
الجمعة، 14 مارس 2008
اهلاوووووووووووووووى على طووووووووول
اهلى اهلى هو هو
مبرووووووووووووووووك لاهلى على الفوز
2/0
انتوا عارفين احسن حاجه ايه
انهم كانو عارفين انهم هيتهزموا وبرده بيلعبوا
ههههههههه
والجونيين غلط من الدفاع
هههههههههههههه
وبيب اهلى بيب اهلى
يلا نلقاهم فى لقاء القمه 102
الخميس، 13 مارس 2008
نسوان مشهورات(4)
كانت ذات طباع و ميول دكتاتورية و نرجسية وغطت على مواهب أسمهانية . كثر الشائعات عن حياتها فيقول البعض ان ام كلثوم تزوجت التابعى الجليل مصطفي أمين وإنها أبقت زواجها من أمين سرا وحدثنا أبوالمبارك حسنى إن الموسيقار محمود الشريف كان يشاهد خارجا من غرفة نومها بالروب ولكنه نفى أن يكون القصبجي عاشقا لأم كلثوم . يقول البعض ان هناك 14 شائعة زواج و أولها وإستنادا الى كتاب ابن بطوطة مذكرات الحمار الفرحان اثناء التجول في البلدان عن زواجها وانجابها ثلاثة أطفال في قريتها طماي الزهايرة قبل انتقالها إلي القاهرة وقيل إنها تزوجت أحد أفراد فرقتها الموسيقية زواجا صوريا حتي تستطيع السفر إلي فلسطين لإحياء حفلة ، وكان شرط السفر أن يكون معها محرم وهي لم تنف ذلك لأنه كان مجرد عقد وقيل إنها تزوجت شريف صبري باشا خال الملك فاروق سراً وعرفاً . توفيت رضي الله عنها في شهر شعبان سنة 1975 بعد الهجرة .
امرأة في السبعين من عمرها تقول:خدني لحنانك خدني ياشيخه خدك ربنا
الأربعاء، 12 مارس 2008
مبروك يا اروتى
الأحد، 9 مارس 2008
ارسلها والا سوف تموت موته نصوحا
Chain messages
أو الرسائل المسلسله .. و محذرين منه فى كل المناهج ألى بتدرس الأنترنت ..
الله .. الوطن .. محمد الفيشاوى
السبت، 8 مارس 2008
حريه تعبير
ادخلوا انتوا بقى هنا وانتو هتلاقوا اللى كنت هقوله
مش معقول يعنى اكتب دا كله يعنى
تانى
ولا هااه
http://khayal87.blogspot.com/2008/03/blog-post_06.html
دا صديق واستاذ
الجمعة، 7 مارس 2008
تخاريف عيان !
بعيد عنكم كدا بعيد بعيد عندى بررررررررد فظيع اتشوووووووو
المشكله مش فى البرد والقرف المشكله فى انه بيعملى صداع وعنيا بتوجعنى وبحس ان كتفى ساقط منى
دا كله عادى الواحد اتعود خلاص
المشكله الحقيقيه انى لاحظت حاجه غريبه كدا اول ما جانى البرد المره دى
لاحظت ان فيه علاقه ما بين البرد والرقم خمسه واى حاجه مدوره
يعنى مثلا
عندكم كدا يوم الاربع اللى فات كنت نازل اجيب الدليل
صحيت م النوم عادى ببص فى الساعه لقتها الساعه سته وخمسه قلت لسه بدرى كملت نوم
وصحيت برده بس سبحان الله شفتوا صحيت تانى بس تمانيه وخمسه
خلى بالكم كدا خمسه مرتين اهو
قومت لبست زنزلت والحاجات الروتينيه دى اللى الواحد زهق منه اصحى م النوم ادخل الحمام طيب ليه اول اما اصحى ادخل الحمام طيب انا مش عايز اعمل حمام
هدخل المطبخ واغسل وشى مش لازم ادخل الحمام يعنى
خلونا فى موضوعنا
جبت الكتب وانا راجع قعدت على كافيه اريح شويه
الترابيزه اللى قعدت عليه كانت مدوره زى الرقم خمسه
وكان رقمها 14 الرقم مش زى الرقم خمسه بس ثانيه انا كنت جايب معايا سندوتشات كانو سبعه
و
7-14 =7
وانا كان معايا كتابين اللى جبتهم
وهنطرحهم من سبعه يبقى الناتج خمسه
غريبه ولا مش غريبه
اكيد غرؤيبه طبعا انتو هتكدبونى ولا ايه
بعد ما روحت اتبقى معايا خمسه جنيه
ماحدش بقى يقولى صدف
اشتريت مجله ماجد بحب اقراها فيها معلومات حلوه
وسبحان الله رقم العدد بتاع المجله كان
1515
خمتسن اهم خمستين
وكمان كان عيد المجله التلاتين
ودا بيتعمل كل خمس سنين
ااها سامع حد بيقولى من ورا صدف برده
كدا بقى مش صدف خالص خالص ولا هااااه
لحظه كدا اليوم اللى جالى فيه البرد كان يوم خمسه مارس
ياترى ايه العلاقه
وكمان كان ماتش الزمالك واسمنت السويس عدد الاهداف كان خمسه
اه بالمناسبه انا اهلاوى
كفايه كدا دلوقتى عشان الحق اعملى كوبايه لمون سخنه كدا واخد البورشام احسن ابهدلكم معايا
الأربعاء، 5 مارس 2008
المصرى هوا
بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد
يحط الريموت كونترول في كيس بلاستيك كعادة فرعونية .
يقف يتكلم على الباب نص ساعة بعد إنتهاء الزيارة والسلام
لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد
ييجي بعد معاده بساعتين ويفتكر إن ده عادي
لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه
بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال
بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش
عنده صينية مكسرات متقسمة لتلات او أربع أقسام لزوم المزاج وعمره ماإستخدمها
ممكن يعدي التلاتين ولسه عايش مع أمه وأبوه وماعندهومش مشكلة
بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش
بيكون عنده شواية لزوم الرحلات أقصى استخدام لها كان مرة واحدة في العيد
بيشيل طابع البريد من على الظرف لو الختم ماكانش عليه
بيفتكر إن أي حد بيشتغل في الخليج بيغرف فلوس من غير حساب
بيكون مشغول بقيمة التيبس أو البقشيش طول العشا ياترى ربع جنيه ولا نص جنيه
برده بيتخانق ساعة دفع الحساب بحرارة شديدة على إنه هو اللي لازم يدفع
بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا
الأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملاية
العمله المصريه((برعايه ابو ظايط))
الجنية المصري بقى ملطشة !
بالذمة ده منظر عملة وطنية؟!
ايه اللي بيخلي الشعب المصري يتعامل بالأسلوب ده مع الفلوس؟
أصبح من الطبيعي جدا انك تتعامل بفلوس لها لون وطعم وريحة كمان، فلوس تعرف ان اللي
اتعامل بيها قبلك كان ميكانيكي او طعمجي او نقاش.. مش بس كده.. المصريين بيتعاملوا مع
الفلوس مش كأنها عملة للبيع والشرا ..لا .. وانما كانها وسيلة للدعاية والإعلان! (راجع
الصورة بالأعلى)
جنيه مصري غلبان يصبح مكتوب عليه انه يكون طول عمره للذكرى الهباب وايام العذاب
والنوم ع التراب او واحد تاني يجيله مزاجه يكتب ع الفلوس اسم مولوده الجديد .. انا جيت
نورت البيت 1/1/2008 .. او واحد تالت يكتب كلمات للذكرى لحبيبته .. او واحد رابع
بيعد فلوس مثلا وعشان مينساش يكتب اخر رقم وصله على اول جنيه يقابله، او واحد بيعد
رزم ويكتب على كل رزمه اسم صاحبها الخ.. والجنيه المسكين غلبان وبيستحمل
والحقيقة ان ده جزء من ثقافة المصري سليل الفراعنة اللي كانوا بيكتبوا ع الحيطان، فمش
غريب انه هو كمان يكتب على حيطان المترو وابواب الحمامات وكراسي الاتوبيس.. الجنيه
يعني هو اللي جدع!
وعلى رأي عمنا بيرم لما قال:
هتجن يا ريت يا اخونا مرحتش لندن والا باريس
دي بلاد تمدين ونضافة وذوق ولطافة
وحاجة تغيظ
عمرك مسكت ورقة دولار او يورو .. بالذات اليورو .. ايه النضافة دي يا جدعان .. العملة
ماسكة نفسها والوانها هتنطق حتى الورق ابن حلال مبيطبقش كده زي الجنيه .. عملة
اليورو معمولة من اوراق بنكنوت مخصوصة تشبه البلاستيك عشان متتوسخش والا
تتقطع .. بينما سهل وطبيعي جدا انك تتعامل بجنيه مهربد وملزوق بالوان زاهية ! شيكارتون
بني او شريط لحام ازرق واحمر !!
مش غريبة ان السواح يرفضوا يتعاملوا بالجنيه بتاعنة ويقرفوا يمسكوه...
صاحبنا اللي عامل الخمسين قرش اللي فوق دي (وهي بجد على فكرة) شاف انه ارخصله
يعمل ختم ويطبع اسمه على كل العملات اللي بيتعامل بيها كنوع من الدعاية غير المكلفة
وسريعة الانتشار كمان.. مش غريبة بقى لو لقينا في يوم من الايام الواحد بيكتب ايميله على
الجنيه بالطريقة نفسها .. عباس عباس اندرسكور فيفتين @ طرف الحاج ياهو دوت كوم :)
نصب x نصب
للأسف هذا هو شعار المرحلة . . وسياسة التعتيم والتعميم . التعتيم يعني عدم التصريح بالحقيقة وبواطن الأمور.
............
اتصل واكسب المليار.. وطبعا كذب في كذب ولو صدقوا فهي مقامرة رخيصة.
تفتح السندويتش تلاقي نصه خس. والنص التاني بصل ... وحتتين طماطم . وشكرا .
تبلعه .. بشوية مية .
............
ولا بتوع تايم شير اللي مغرقين البلد . بيبيعوا الهوى . اسبوع مصيف في أي مكان ب 50000 جنيه متجدد كل سنة.
طيب حضرتك . أحب أشوف الموقع وأخد فكرة عن التجهيزات .
نصائح لازم تتبعها في مصر
1- إياك ثم إياك ثم إياك من شراء شقة على الورق.
2- اي حد يقولك حضرتك احنا شركة ......... عندنا عرض ... قبل ما يكمل قل له شكرا وسيبه وامشي
3- أي شخص يقول لك مبروك انت كسبت معانا. قل له ما تاخد انت الهدية . وتتكل على الله
4- أي شخص يوقفك في بنزينة بعد ما تمون . ويقول لك حضرتك احنا عاملين حملة دعايا و هتكسب معانا هدية و ......... قل له أنا موش متزوج علشان دول بتوع التايم شير. يا عيني اتفقسوا في كل حتة فبيمشوا يشمشموا في أي بنزينة .
5- أي حد يديلك سعر وهمي أو معلومة وهمية أو حاجة ببلاش متصدقش. لأن السما مبتمطرش فلوس
6- وأهم حاجة خذ حذرك لأن
الثلاثاء، 4 مارس 2008
للزمان اختارلك صاحبك
لزمان دور على صاحب
اغلى مافى الدنيا دى صديق تعطش كلامه يبل الريق
وبينجدك فى ساعات فى الضيق
دور على صاحب
صاحبك حبيبك حابى عليه
اخلصله هيشيلك فى عينه
وغير كدا راح اقولك ايه
راح اقولك ايه
دور على صاحب
الدنيا دى من دا على دا
حلوه ساعات
وساعات ساده
الظلم فى طبعها عاده
اغلبها بصاحب
اطلع م الدنيا بصاحب
فى الفرح والحزن يصاحب
مش كل واحد يتصاحب
اغلبها بصاحب
نشكلا الفنان محمد رشدى
بس مش باقى غير نتك على حتى زوغننه
مش كله صاحب يتصاحبى
افيهات قديمه
_أنا كلمتي عمرها ما تنزل الأرض أبدا
_حنفي
_خلاص حتنزل المرة دي بس اعملي حسابك المرة الجاية لا يمكن ابدا
احلي افلام افلام زمان.. الافلام الابيض والاسود
طبعا كلنا فاكرين الجمل الشهيرة لعبد الوهاب القصري في الفلم الرائع ابن حميدو .. وحنفي !
كلمات وجمل وعبارات كتير علقت في دماغنا وبقينا بنقولها علي طول
مع الفنانة زينات صدقي و ..
من الافيهات الشهيرة لها : كتاكيتو بني
ودايما كانت بتقول علي اسماعيل ياسين :
إنسان الغاب طويل الناب
وفي فلم شارع الحب
أنا مرضعة قلاوون يا خريج الحديقة وارد أفريقيا
فيروز ...
فيروز.. الطفلة المعجزة !
طبعا كلنا عارفين اشهر عبارة ليها وهي بتتكلم انور وجدي :
أنت بابا وأنت ماما، وأنت كل حاجة
مين فينا ماقالشى الكلمة دي علي سبيل الهزار؟ !
على الكسار..
والفنان علي الكسار فاشتهر بشتائمه في الأفلام،
فكان يردد دائما
يخرب بيت أبو
كده انت مصيبة
محمود شكوكو..
واشهر كلمه ليه
اخرابى
او
ياخرابى
اسماعيل ياسين..
ملك الكوميديا العربية...
كلمة ياماما
لما حد يجي يهددك او يخوفك هتقوله ايه.. ياماما خوفتني !
والضحكة المميزة جدا لاسماعيل ياسين.. هي هي هي !
ومحمد عبد الوهاب كان بيضحك كده «ها (صمت) ها (صمت) ها» .
ماهذه الرائحة ياحنطلة ؟ !
في فلم فجر الاسلام لما دار حوار بين محمود مرسي ومحمود فرج ، عندما قال الأول للثاني «ما هذه الرائحة الكريهة ألا تستحم يا حنظلة» فرد فرج بقوله: «إنها رائحتي وأنا فخور بها».
استيفان روستى..
نشنت يا فالح؟
لما واحد من اعوانه قتله عن طريق الخطا!
وللفنانة فردوس محمد لما طلب منها انه يرقص معاها فرفضت فقالتله : ماترقص ياخويا
فرد عليها: طب عن أذنك ، اتحزم واجي!
محمود المليجى..
اما بيقسم
((وشرف امى))
بس رشدى اباظه كان بيقسم ويقول
((وشرف خالتى))
واشتهرت عبارة كمال ياسين في فيلم «رد قلبي»: أنت من الأحرار يا علي
عبارة زكي رستم في فيلم الخرساء : الله يرحم أبوك
وعبارة احمد لوكسر في فيلم الناصر صلاح الدين ، فليذهب والي عكا إلى الجحيم
ومن فيلم «الخطايا» اشتهرت العبارة التي قالها عماد حمدي لعبد الحليم حافظ
«أنت مش ابني انت لقيط»
ومن فيلم شارع الحب العبارة التي قالها حسين رياض لعبد الحليم ايضا أنت اللي هتغني يا منعم
ومن فيلم وإسلاماه : مين فينا مش فاكر جملة..اين انتي ياجهاد؟ اين انتي ياسلامة !
الاثنين، 3 مارس 2008
انا عبيط
انا عبيط وخلاص
وانا كل ما اقول التوبه يابويا ترمينى المجاديف
الأحد، 2 مارس 2008
افيهات!!!!
صح ولا لأ
انا سامع واحد هناك بيقول لا
اسكت يا حبيبى انت شكلك مش عايش يلا قول اه
اه
كدا تمام
دى شويه افيهات كدا من اللى بتتقال واللى معظمها اصلا من مسلسلات ومسرحيات وافلام وهكذا
في أوروبا والدول المتقدمة
مش مصدق نفسي يا لمبي
سندوتشاتك ف شنطتك ... مطوتك ف جيبك
انجليزي ده يا مرسي
اجري يا محمد افندي
اشده يلسعنى اشده يلسعنى طب بتشده ليه علشان يلسعنى
وتقبلته بتاع منى زكى فى مسرحه كدا اوكيه
تانى مرة عشان البيه .. لو مفهمش الحق عليه يفهم على اده .. اومال ايه ..
فهمان ولا موفهمانتش
يا مرك يا مهجة
يازين مخلفتى يا زينب
العيال كبرت ((أنت جيت يارمضان))
فيلم صلاح الدين (( انت تريد الحرب اذا فليكن ماتريد ))
(يا وله..يا واد إنته يا بتاع الألا لو لو إنتا ياله)...الواد سيد الشغال...
(كل شيجن إنكشفن و بانن)..غنية عن التعريف.
.(وزة من برة ووزتين من جوة و لحمة و فراخ...فلوسي يا ولاد ال... فلوسي)..العيال كبرت....
فاهم يانصه
والكيلو سبعين ياناس هاموت ياناس في موتسيكلات عدت
تبى موز تبى بينابول( فيلم صاحب صاحبه)
وانى ايش درااااااااااااانى
هواطيه واطيه
يا راااااااااااااااجل
خد ياض خلاص روح ياض .....خد ياض خلاص روح يا ض
ايه ده .....فين شنبك يا مان
فين قرص الكابتشنو!!
ااااااه يعنى ايه بقا
محشش يلومنى ولا يعتب عليا
وانتى عامله ايه دلوقتى
صوانى = ثوانى
احنا هنريحوووووووووووكى
ناس زوق زوق زوق الصراحة أشرف عبد الباقى
يا نهار ابيض يا نهار ابيض .. بتاعة مدحت شلبى
خد قوتى و قوت عيالى يا عبد الهادى
يال الهوووووول يوسف وهبى
ازاااااااااااااااااااى ماعرفش فؤاد الهندس
انت حمان يا حمان
الو الو احنا هنا
عشان تبقى تتبوء فى أمريكا اللاتينية الواد سيد الغال
دى منبى منبى يا معنمى
ده انا غلباااان
إيه يا واد الحنان ده كله يا واد....قلب الأم يا باشا...
توماتيكي توماتيكي...
،يانا يانا ...... يا غسيلي ..... الغسيل كسر إيديا والصابون جوه ف عينيه....
،الكيس البلاستيك.... الكيس البلاستيك اللي فيه عقد الشقة بتاع ابويا ... الكيس البلاستيك فين؟؟؟
انت حماي يا حماي محمد صبحى
آآللللووووو(زى محمد هنيدى لما كان مدفون فى التلج)
لو كنت خدت الوصلل سليمان نجيب
انا عايزه امثل يسعدك
الشيك شيك
وارقص واغنى يسعد
كالشيك شيك
ايوه ولا ألو العيال كبرت
" نسيتى تاكلي نسيتى تشربى نسيتى تنزلي فى الفسين" (عبلة كامل).
ياشماته ابله ظاظا فيه
ابله ظاظا مين
اخرس
فيين الموبيل ها ؟ فين الموبيل انطق احمد حلمى وهوا بيضرب الدبدوب فى فيلم زكى شان
ده انت هاااااااااه قوىتصدق يا فلان.....هتصدق ان شاء الله صلاح عبد الله "ريا وسكينه"
(( انت من الاحرار يا على )) من فيلم رد قلبي
نسوان مشهورات(3)
حكاية المليونير طارق الجفالي مع خدود هيفاء تعيد الى الاذهان قصصا كثيرة من هذا النوع بدءا بزواج ولي عهد الكويت الشيخ مبارك احمد الصباح في الستينات زواجا صوريا او زواج متعة بالمطربة صباح و مرورا بزواج ممثلة الاغراء شمس البارودي التي اصبحت الان شيخة و واعظة من امير سعودي وليس انتهاء بزواج الشيخ صالح كامل من ممثلة الاغراء صفاء ابو السعود مرورا بفضائح وحكايات كثيرة جمعت مليونيرية عرب ومسئولين عرب بفنانات وراقصات مثل فيفي عبدو التي تزوجها لعدة ايام ابن عم معمر القذافي و الشيخ عبد العزيز البراهيم صاحب محطة العربية الذي تزوج من ممثلة الاغراء شيرين سيف النصر عرفيا لعدة اسابيع ثم اضطر الى تركها لان اهله كما زعم ضغطوا عليه .
رايقة ومنتهي الروقان , مغنية هذا الزمان هايفة وهبي , في مجتمع هاجسه الأول والأخير الفياجرا الذي وصفه نزار قباني بأنه صداع العرب . الأغنية الرايقة مطلعها يأتي بضم هايفة أو زم شفتيها تقول : ليك الواوا.. بوس الواوا.. خلي الواوا يصح .. لما بستوا الواوا .. صار الواوا بح . والواوا بلغة الأطفال معناها الوجع وكلمة بح معناها إن الوجع قد زال !! البعض المتفائل يري أنها أغنية أطفال . وبقليل من التأمل نكتشف أنها أغنية أنثي فائرة تتمايص وعندما تتمايص هيفاء فهي تثير الأذهان . الحقيقة أن الزمن جلاب لكل ماهو غريب ومثير . فعندما تغني طفلة لما بستوا الواوا, صارالواوا بح , أتعاطف معها وأحب طفولتها وشقاوتها المبكرة . ولكن عندما تغني هايفة نفس المقطع بدون براءة فإنها تدعو وتحرض الرجال ليتحسسوا بأنفسهم مكان الواوا علشان تخف . إننا علي أبواب عصر الغناء الجنسي وهو أقرب في مضمونه إلي التحرش الجنسي
نسوان مشهورات (2)
أعربت الشحرورة عن ندمها لزواجها أكثر من 10000 مرة وعمل أكثر من 5000 عملية لوجنتيها و 90 عملية لأنفها و500 عملية لشد وجهها مرات خلال حياتها المديدة معتبرة أن زيجاتها لم تنفعها في شيء ، وتقول أن آخر زوج لها وهو فادي لبنان ،ضحك عليهت وتزوج من امرأة أخرى وله منها طفل . ولدت الشحرورة في 10 نوفمبر 1927 في بلدة بدادون القريبة من بيروت، ظهرت صباح في اول فيلم سينمائي عام 1943 امام انور وجدي بعنوان القلب له واحد . وتعتبر صباح اول فنانة عربية غنت على مسرح الاولمبيا في باريس مع فرقة روميو لحود الاستعراضية
تزوجت صباح 7 مرات اولاها من نجيب الشماس الذي انجبت منه ابنها صباح الطبيب المقيم في الولايات المتحدة. ارتبطت بعازف الكمان المصري انور منسي والد ابنتها هويدا ثم ما لبثا ان تطلقا . بعدها تزوجت صباح من احمد فراج ولم تلبث ان افترقت عنه لتتزوج من الممثل المصري رشدي اباظة ومن ثم ارتبطت صباح بالنائب اللبناني الراحل يوسف حمود ولكنه لم يتحمل نجاحها وكثرة المعجبين بها فتطلقا ايضاً. اما قصتها مع الممثل والمسرحي اللبناني وسيم طبارة فكانت الاكثر قساوة عليها اذ افترقا بعد خيانته لها. وتأثرت بهذه العلاقة وحولتها الى فيلم سينمائي . اما زواجها من الفنان فادي لبنان الذي كان يصغرها بأكثر من عشرين عاماً فانعكس عليها سلباً اذ هاجمها الاعلام اللبناني يومذاك متهماً اياها بالجنون. عاشت صباح في الستينات قصة حب عاصفة مع ولي عهد الكويت الشيخ مبارك احمد الصباح لم تكتمل .
منحها الجنسية المصرية تكريماً لها بقرار من الرئيس الراحل انور السادات .
كرمها الرئيسان التونسي الحبيب بورقيبة والسنغالي ليوبولد سينغور.
قيام الرئيس السوري بشار الأسد بتكلفتها وابنتها هويدا لمدى العمر
السبت، 1 مارس 2008
نسوان مشهورات
كونداليزا رايس والملقبة بكوندي هي المديرة لأكاديمية جورج بوشوغورتس للسحر والشعوذه في الشرق الأوسخ الجديد , أحدثت هذه
المدرسة السحرية المسمى بالكونفدراليزية زلزالا ً إقليميا غير المجرى التاريخي والجغرافي لمنطقة الشرق الأوسط حيث تحول بشار الحمار
الى بشار الأسد و مايكل جاكسون الى مجبل حسون و تحولت الصحافه فى مصر الى صحافة ديمقراطية . نشأت المدرسة بتعويذة من فقيهة
الديمقراطية العراقية كونداليزا رايس وتخصصت المدرسة برسم خارطة الطريق الى الفلبين . تتحدر كوندوليزا رايس من سلالتين هما آل
رايس ، وآل كوندوم عرفت العائلتان بحب السحر والشعوذة , ترعرعت كوندي في بيرمنغهام وهي المدينة التي كانت تسودها قواعد التمييز
و الفصل العنصري للسحرة ذات البشرة السوداء . بدأت عائلة رايس بتمكين ابنتهما الوحيدة من تلقي دروس في السحر المتطور في مدرسة
جورج بوشغورتس للسحر والشعوذة. إشتهرت رايس بالمدرسة بلقب الغراب الناعق وتدربت على كيفية زيارة المحميات الامريكية في
ممالك وجمهوريات مسالخ العرب .
كوندوليزا رايس تهتم جدا بالأناقة فهي تضع على شفاهها فوهة بندقية أحمر براق وعلى عيون تقتل طفلا كل ثانية في الوطن العربي بدرة
زرقاء أو خضراء وتصبغ أضافرها التي تمزق بها جلد النساء بأغلى الماركات الباريسية وتعلق في أذنيها حلقات الماس دفعته أفقر الدول
الإفريقية مقابل حفنة من الألغام. هوايتها مشاهدة أفلام الرعب الواقعية التي تبث مباشرة على الهواء من بيروت , قانا , غزة , رام الله ,
بغداد . تمارس السحر الأسود والشعوذة بإلقاء تعويذة الفتن الطائفية على العالم .
نانسى عجرم
ثروة من ثروات الوطن العربي ومقدراته نانسي عجرم فنانة من لبنان , ولدت في السنة الثانية من الحرب العراقية الايرانية وبالتحديد بيوم الهجوم العراقي على الشوش و ديزفول و المحمرة حيث هجم الجنود بالقنادر على الايرانين بالوقت الذي كان الجنود الإيرانيون بيتفرجوا الحلقه رقم 14587 من المسلسل المكسيكي المدبلج الى اللغة الهيروغليفية من قناة ابو ظبي الفضائية . تعتبر نانسي من فنانات الفيديو كليب المتشابهة في الشكل والمضمون و المادة العارية , من ناشري ثقافة التعري و التلوث الاخلاقي قامت بسرقة كلمات أغنية شخبط شخابيط من فرقة إنشاد سعودية و بررتها بأنها توارد خواطر, لنكن واقعيين شخبط وشخابيط مفردات تستخدم بالسعودية وعمري ماسمعت عن حد بيقول هيك مفردات بلبنان بالتالي اكيد اغنيتك مسروقة من الفرقة السعودية يادلوعة والكل عارف دا . مش هنختلف ان صوت نانسي حلو القضية قضية قوام والجسد الحلو , التقاطيع الجميلة , الرجل بيبص بحسرة الي مراته , مش بيعجبه , جسمها مترهل ودبة , كثير زوجات مايلبسون قمصان نوم , بينامون مع ازواجهم بنفس ملابس الطبيخ وفيهم شخير اقوي من صوت الحمار . يعني يمكن ناسيه ان في رجل ؟
في زوجات لحقوا نفسهم قبل ان يطير الطير بعشه فبقت الوحدة تعمل رجيم و رياضة وماتاكلشى الا الخضروات وكله من اجل ان تصبح مثل نانسي ومايطير الزوج بارزاقه والرجل بيبص الي نانسي وغيرها بانهم نموذج للزوجة اللي الرجل يتمناها , يحاول يقارن بين مراته ونانسي عسى يشوف خمس اختلافات بينهم لكن المسكين بيلاحظ الف اختلاف , مافيش مقارنة .
من ناحية اخرى يرى الرئيس حسني مبارك (طويل العمر طول عمره)ان كلمات الأغنية مصرية حيث عندما كان حسني في الابتدائية قبل 400 سنة كان يستخدم ألوان للرسم في حصة الرسم اسمها ألوان اللخبطة وظهرت بعدها ماركة ألوان رسم اسمها ألوان الشخبطة وكان هناك اعلان بالتلفزيون المصري يقول ألوان الشخبطة بتشخبط شخابيط .
قامت نانسي عجرم بدور حاسم في القضية الفلسطينية عندما طردت صحفيا اسرائيليا في مؤتمر صحفي يا نانسي يعنى ايه طرد صحفي اسرائيلي و على علمك اسرائيل و علم اسرائيل موجود في 22 دولة عربية سرا او بدون سرا.
طفوله نانسى:-
كانت طفولة نانسي صعبة كانت تعيش في بيت صغير غرفة وحدة ومطبخ واربعين كبانيه عشرين غربي وعشرين شرقي وكبانيه واحد خارجي للضيوف وكانت عائلة نانسي فقيرة جدا الاب عاطل و الام كانت تشتغل خبازة بالقصر الجمهوري بس نانسي من صغرهاتحب الغناء وخاصتنا بالاعياد الوطنية . و البت طلعت مزة جامدة فحت و الحياة بقت في الكوارع
نانسى عجرم(مخدرات):-
نانسي عجرم نوع من انواع الحشيش كان المواطن المصري سليم عياد عواد مواليد 1954 من محافظة الشرقية يروجه و يوزعه بين زبائنه من دون أن يكون للفنانة اللبنانية أي علاقة بالأمر. قامت الشرطة المصرية و رجال المباحث بمداهمة منزل عواد وعثروا على المخدرات وإعترف الموقوف بالتهم الموجهة إليه، وإعترف بان زبائنه كانوا يدفعون ببذخ على المخدرات من صنف نانسي عجرم .
نانسي عجرم (فنانة)
هذا وقد بلغنا من مصادر موثوقة ان الفنانة القديرة نانسي بجرم لا تتعاطة المخدرات بشكل يومي لعلمها ان ما تتعاطاه لايعدو ان يكون جرعات تدفع بحياتها الى الهاوية .
واقع رهيب
بس انت بتتجوز من واحد تانى
والتانى بقى جوزك/مراتك بينما الاول
بقى كلمه السر بتاع الميل بتاعك
**************
الدنيا مفيهاش غير طفل واحد بس هوا الافضل
كل ام بتعتقد انه ابنها
هى الدنيا فيها زوجه واحده بس هى الافضل
كل راجل بيعتقد انها زوجه جاره
**************
تلات احلام لكل راجل
ان يملك الكثر من الوسامه .. زى ما امه ما فاكره
ان يملك الكثير من المال...زى ابنه ما مافاكر
ان يملك الكثير من النساء...زى ما مراته ما فاكره
**********
الزوج والزوجه زى الكبد والكلى بالظبط
الزوج هوا الكبد والزوجه هيا الكليه
لو الكبد فشل هيحصل فشل كلوى
بس لو الكليه فشلت الكبد هيتعامل مع الكليه التانيه
***********
بيقولك اليابنيين اخيرا اخترعوا
كاميرا متطوره اوى اوى
سريعه لدرجه انها قدره تصور المراه وهيا بقها مقفول
الجمعة، 29 فبراير 2008
أمن الدولة ..i'm loving it
عمرى ما مشيت جنب الحيط
لانى عرفت من بدرى ان جنب الحيط دى حته محجوزه للمخبرين
وانا مقدرشى اعطل السلطات عن تاديه عملها
فكرت شويه زى ناس كتير ان امشى جوا الحيط
بس اكتشفت ان دا غباء
والحمد لله انى موقعتش فى الغلطه دى
لان فى الحيط بتعيش القوى الظلاميه اللى الساده المخبرين عايشيين جنب الحيط عشان يخلصونا منها
طبعا دا فكره انى امشى الشارع كدا اعتبرتها من وساوس شيطان معارض استعذت منه باتنين ظباط أمن دوله
وزياده فى التاكيد علقت يافطه مكتوب عليها نعم
نعم وبس
نعم وخلاص
مش مهم بقى نعم لمين المهم انى موافق
بصراحه قعدت فتره محتار مش عارف امشى فين
فكرت تانى وتالت مفيش حل
طيب وبعدين اللى انا بعمله دا مش سلوك مواطن صالح ابدا
اكيد الفرجه على قناه الجزيره لوثت برائتى واثرت على صلاحى
اصل الجزيره دى قناه مش بتشوف غير نص الكبايه الفاضى
والمواطن الصالح مش لازم يشغل نفسه بنص الكبايه الفاضى
اصله فاضى هيعمل بيه ايه
ولا يشغل نفسه بالنص المليان اصله نص هيكفى مين ولا مين
المواطن الصالح لازم يتبع نصيحه مولانا ويحمد ربنا ان فيه كبايه
ومالوش دعوه بقى ان كانت مليانه ولا فاضيه دا كلام مثقفينانا مبحبوش
علشان كداقررت اقفل الباب اللى يدخلنى منه الشيطان وبطلت افكر فى موضو امشى فين دا خالص
وحمدت ربنا ان عندى اوضه فى البيت وقعدتفى اضوتى قافل على بابى ودى كانت الغلطه اللى كانت ممكن ادفع تمنها غالى
بس الحمد لله اخدت بالى منها بسرعه ومقفلتش بابى اكتر من عشر دقايق
اصل اللى يقفل بابه يبقى عنده حاجه مخبيها والواحد هيخبى ايه الا لو حاجه غلط
ودى غلطه مش بسيطه دى غلطه ممكن تضيع اى مواطن مهما كان صالح زى كدا
علشان كدا والنبى يا جماعه تخلو الكلام دا بينا والغلطه دى مش تطلع لحد ابدا
انا بس بقولكم الكلام عشان مش تغلطوا غلطتى
واحب الامن الدوله اغنيه عمرو دياب انا اكتر واحد بيحبك
تيت راديو
سونيا بتقول لينا ان احنا ناس منغلقين !
كن قاعد فى المحل بتاع ابويا شويه عشان البنات كانوا واخدين اجازه
لقيت امراه - مين اللى يتقال عليهم انثى انثى - جايه على المحل قربت
دى سونيا
شويه ملاحيظ عن سونيا : ياقل عنها انها راقصه ويقال انها بتاع دعاره ويقال انها فاتحه الشقه بتاعتها للدعاره
ولا يقال انها ساكنه ورا قسم الشرطه لان دى حقيقه امام الاعين ويقال ايضا انها ماشيه على حل شعرها
يعنى من الاخر كدا محدش قال عليها حاجه حلوه او محدش شافها عدله او محترمه الكل شايفها سته مش محترمه
ما عدا انا
شايفها انها ست بايظه :d
نكمل موضعنا
دخلت عليا المحل وانا قاعد لوحدى هيا ست قادره والشيطان شاطر وابن كلب
سونيا:صباح الخير
انا:صباح ال صباح النور يا فندم تحت امرك
سونيا: كنت عايزه اعمل البتاعه دى
انا:ممكن اشوفها
سونيا:اتفضل
انا: اوك اتفضلى استريحى ثانوا ثالو ثانيه واحده
سونيا:باين عليك محترم وابن ناس
انا: دا كله من زوقك يا فندم
سونيا : احمد احمد احمد
الشخص الذى يدعا احمد: اهلا ازيك عامله اموواه"الامواه حاجه كدا زى البوس بس من غير احضان وحاجات من دى"
سونيا: امووواه الحمد لله فنك ياوحش انت
انا فى حرقه وفى سى يا بختك يعم احمد ادى انت اموهات على مزاجك
احمد: والله موجود انتى اللى راقده فى الشقه معلشى امشى عشان واحد مستنينى
سونيا:ماشى هستانك باليل
سونيا: انت عارف عيبنا ايه
انا: مين هما اللى عيبهم
سونيا: المجتمع المصرى
انا(فى سرى:جابت الكلمه دى منين
ها ايه عيبنا
سونيا : اننا مجتمع منغلق
انا(دى شكلها مثقفه واحنا بنغلط فيها وبيتها بتعمله صالون ثقافى ولا ايه): منغلق من ناحيه ايه حضرتك
سونيا: من اى ناحيه يعنى اللى انا عملته من شويه دا فيه حاجه
انا:عملتى ايه معلشى مكنتش واخد بالى :D
سونيا : عشان سلمت على واحد راجل وبوسته احنا زى الاخوات بالظبط
انا: بس برده مش فى الشارع كدا طيب انا عرفت انكم زى الاخوات اللى ماشيين دول مش عرفوه
سونيا: انا مش هقعد اقول لكل الناس اننا زى الاخوات
انا: خلاص حضرتك حاجتك خلصت
سونيا:شكرا بس برده انا مش بعمل حاجه غلط
انا: بصى حضرتك احنامش مجتمع منغلق ولا حاجه انتوا بس اللى منفتحين شويتين زياده
سونيا: هوا اما ابوس واحد ابقى منفتحه
انا: طبعا هيا تبوس واحد دى حاجه سهله
سونيا: متكبرهاش كدا دى بوسه لا راحت ولا جت المهم حسابنا كام
انا: خلاص بقى حضرتك
سونيا: الله يخليك
انا:- - - - -
سونيا: اتفضل على فكره انا كنت ناويه ابوسك
انا: وكنتى ليه
سونيا: انت مش بتقول ان دا غلط
انا: انا مش بقول دا المجتمع اللى بيقول اعتبرى نفسك مسمعتيش حاجه
سونيا: امووووواه (من بعيد طبعا)
وانا: مع الف سلامه حضرتك
بقى البوس حاجه سهله كدا وعادى اممممم مش عارف اقول ايه صراحه
بس اللى اقدر اقوله انى غبى لازم اتكلم يعنى ادينى ضيعت فرصه التجربه عشان اعرف حاجه سهله ولا لأ
هههههه